Ficus pseudopalma palan an scientific name kan Bicol lubi-lubi. Garo man nanggad kaya itsurang palma, arog kan niyog na suon-suon an mga dahon asin an mga bunga tiripon man sa may poon kan mga dahon. Bistado palan ini sa Hawaii as Philippine fig tree. Kakaiba an lubi-lubi sa mga kahoy na Ficus huli ta garo ngani ini palma. An bunga iyo palan mismo an burak na mahihiling mo sa laog pag binaak. Kinakakan ini kan mga gamgam asin paniki.
Afuera sa ginugulay, makukua ini sa mga natad bilang ornamental. Popular man ini na ginagaga asin iniinom bilang pampababa kan high blood pressure, pampaihi para sa mga may helang sa bato, asin suboot nakakatabang sa mga diabetic. Alagad kadakol na Bicolano an naha-highblood, urog na kun nauubusan nin gulay na lubi-lubi!
Masiram na gulay an lubi-lubi, alagad dai mo ini madadangog sa kantang 'bahay kubo'. Asa ka pa! Mayo nganing nasambit man lamang na kalunggay. Siisay daw kaya an nag-compose kan kantang ini? Marhay pa sa . . . Enero, Pebrero, Marso, Abril, Mayo, Hunyo, Hulyo, Agusto, Septiembre, Oktubre, Noviembre, Deciembre . . Lubi-lubi!
2 comments:
nice blog - pwedeng maisayan kun ngata ta bagana lamo ka obsessed sa libi libi. ngata ta bukung purupagulong
Pakabasa ko, nasalom ko tulos kun siisay an blogger. Iyo man nanggad madi, sabi kadtong sarong site: solanum nigrum Linn. an scientific name kan libi-libi. Pero pag-abot ko duman sa parteng piggigibong jelly an bunga, aram kong bako idto an lubi-lubi na piggugulay ta sa Libmanan o kaya sa Iriga. Namiss ko logod si sinanglay na patos nin lubi-lubi, asin kadakul iba asin kamatis, patos pa nin dahon nin tanglad. Pigbookmark kong blog mo mads.
Post a Comment